គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តម ឡាយ សំកុល អគ្គលេខាធិការព្រឹទ្ធសភា នៃព្រះរាជាណាចក្រកម្ពុជា ចូលរួមកិច្ចប្រជុំសមាគមអគ្គលេខាធិការសភាក្នុងក្របខ័ណ្ឌសហភាពអន្តរសភា នៅទីក្រុងហ្សឺណែវ

ចែករំលែក ៖

ស្របជាមួយមហាសន្និបាតនៃសហភាពអន្តរសភានៅទីក្រុងហ្សឺណែវ ប្រទេសស្វ៊ីស ឯកឧត្តម ឡាយ សំកុល អគ្គលេខាធិការព្រឹទ្ធសភា នៃព្រះរាជាណាចក្រកម្ពុជា បានចូលរួមកិច្ចប្រជុំសមាគមអគ្គលេខាធិការសភា(ASGP) ក្នុងក្របខ័ណ្ឌនៃសហភាពអន្តរសភា(IPU) ដែលបានប្រព្រឹត្តទៅពីថ្ងៃទី២០ ដល់ថ្ងៃទី២២ ខែតុលា ឆ្នាំ២០២៥ ដោយមានការចូលរួមពីអគ្គលេខាធិការសភា ឬតំណាងអគ្គលេខាធិការ ដែលមកពីបណ្តាប្រទេសប្រមាណចំនួន១០០។

អង្គប្រជុំបានពិភាក្សា និងចែករំលែកបទពិសោធន៍លើប្រធានបទសំខាន់ៗរួមមាន៖ (១) នវានុវត្តន៍នៅក្នុងកិច្ចការសភា, (២) វិធានទប់ស្កាត់ហានិភ័យដែលអាចធ្វើឱ្យខកខានប្រជុំសភា, (៣) សមភាពយេនឌ័រក្នុងសភា, (៤) ការចូលរួមរបស់យុវជន, (៥) សភាប្រកបដោយនិរន្តរភាព និងបរិស្ថានល្អ, (៦) ទំនាក់ទំនងសភាជាមួយតុលាការ, (៧) សុវត្ថិភាពសមាជិសភា និងមន្ត្រីបម្រើការក្នុងសភា, (៨) ការធ្វើសេចក្តីសម្រេចចិត្តផ្អែកលើព័ត៌មានច្បាស់លាស់, និង(៩) ការរៀបចំសម្រាប់ការចូលនិវត្តន៍របស់មន្ត្រីអគ្គលេខាធិការដ្ឋាន។

អង្គប្រជុំក៏បានបោះឆ្នោតជ្រើសរើសសមាជិកគណៈកម្មាធិការប្រតិបត្តិនៃសមាគមអគ្គលេខាធិការសភាចំនួន ៣រូប គឺ៖ អគ្គលេខាធិការមកពីសភាវៀតណាម អាល់ហ្សេរី និងបារ៉ែន។

ឆ្លៀតក្នុងឱកាសកិច្ចប្រជុំនេះ ឯកឧត្តម ឡាយ សំកុល បានជួបជាមួយអគ្គលេខាធិការសភាម៉ារ៉ុក តំណាងអគ្គលេខាធិការនៃសភាបារាំង អគ្គលេខាធិការសភាទីម័រឡេស្តេ និងអគ្គលេខាធិការរងរដ្ឋសភាវៀតណាម និងបានលើកអំពីកិច្ចការងារពង្រឹងសភានៃប្រទេសទាំងពីរ។

ប្រភព៖ អគ្គនាយកដ្ឋានពិធីការ និងទំនាក់ទំនងអន្តរជាតិ

អត្ថបទពាក់ព័ន្ធ

ឯកឧត្តម ឡាយ សំកុល

អត្ថបទថ្មី

ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំឆ្លុះបញ្ចាំងសមិទ្ធផលការងារជាង ១ឆ្នាំ របស់ខុទ្ទកាល័យ និងដាក់ចេញទិសដៅយុទ្ធសាស្ត្របន្ត

លោកជំទាវ មាន សំអាន ដឹកនាំកិច្ចប្រជុំផ្ទៃក្នុងគណៈកម្មការទី៨ព្រឹទ្ធសភា

ឯកឧត្តម ឡោក ឆាយ ដឹកនាំកិច្ចប្រជុំបូកសរុបលទ្ធផលការងាររបស់អគ្គនាយកដ្ឋានសេវាច្បាប់ និងសមូហភាពដែនដី និងអគ្គនាយកដ្ឋានស្រាវជ្រាវប្រចាំខែមីនា

សម្តេចតេជោ ហ៊ុន សែន អនុញ្ញាតឱ្យអគ្គលេខាធិការនៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី ចូលជួបសម្តែងការគួរសម

ឯកឧត្តម លីសារី អញ្ជើញជួបសំណេះសំណាលជាមួយថ្នាក់ដឹកនាំខ្មែរអ៉ិស្លាម និងគោរពវិញ្ញាណក្ខន្ធសពអតីតថ្នាក់ដឹកនាំ នៅស្រុកទឹកឈូខេត្តកំពត